Trajneri i Al-Ittihad i thotë bordit se Benzema nuk i përshtatet stilit të tij

14:24 | 23 Gusht 2023
Orgesa Haziri

Nuno Espirito Santo thuhet se i ka thënë bordit të Al-Ittihad se legjenda e Real Madridit, Karim Benzema nuk i përshtatet stilit të tij taktik.

Sipas gazetës saudite Al-Sharq Al-Awsat, Nuno ka informuar bordin se Benzema nuk i përshtatet stilit të tij, shkruan Arbresh.info.

Ata gjithashtu theksojnë se ish-trajneri i Tottenham nuk ka kërkuar nënshkrimin e ish-sulmuesit të Real Madridit, duke çuar në tension të vërtetë mes dy lojtarëve në dhomën e zhveshjes.

Benzema thuhet se ka kërkuar edhe kapitenin në Al-Ittihad, por ai u refuzua nga trajneri portugez.

Fituesi i Topit të Artë ‘nuk ndjehet rehat’ duke punuar në mjedisin aktual në Al-Ittihad, ndoshta duke hapur derën për një transferim shokues.

Benzema ka luajtur dy herë për Al-Ittihad këtë sezon, dhe megjithëse nuk ka shënuar, ai siguroi një asist në një fitore 3-0 ndaj Al-Raed./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm