Google ADS

Tottenham e nis edicionin me fitore, e mposht kampionin Manchester City në derbi

20:40 | 15 Gusht 2021
KRG

Kampioni i Ligës Premier, Manchester City, e ka nisur me humbje sezonin e ri në kampionatin anglez të futbollit.

Tottenham Hotspur ka arritur që para tifozëve në stadiumin e vet të regjistrojë fitore prej 1-0 në një ndeshje mjaft të luftuar.

Gjysma e parë nuk prodhoi gola, megjithëse rastet nuk munguan nga të dyja palët, porse mungoi efektiviteti.

Spursat ia dolën ta zhbllokonin rezultatin në pjesën e dytë. E gjitha rrodhi nga një kundërsulm i skuadrës vendase, e cila e konkretizoi me golin e epërsisë.

Lucas Moura pasoi te Steven Bergwijn, i cili vazhdoi përpara për të asistuar te Heung-Min Son dhe ky i fundit veproi për mrekulli duke krijuar hapësirë dhe duke shënuar një gol të bukur nga jashtë zonës (55’).

Më pas, Tottenhami e pati një tjetër mundësi të artë nga kundërsulmi, por goditja e Bergwijn ishte jashtë portës.

Nuk munguan edhe rastet tjera të nikoqirëve në minutat në vazhdim, derisa mysafirët nuk patën fuqi që t’i barazonin shifrat deri në mbyllje të sfidës.

 

Shpërndaje në rrjete sociale

Lajmet më të lexuara

Të ngjashme

Foto lajm