Ferran Torres shkëlqeu me tri gola të martën mbrëma, duke i ndihmuar Spanjës t’ia shkaktojë Gjermanisë një humbje historike me rezultat turpërues 6:0.
Sulmuesi i Manchester City e ka pranuar se Spanja kishte për qëllim ta dërrmonte Gjermaninë nga minuta e parë e ndeshjes.
Skuadra e Luis Enriques i shënoi nga tri gola në secilën pjesë të lojës dhe e mbizotëroi duelin nga fillimi deri në fund, pasi ndeshjen e përfundoi me 70 për qind posedim të topit dhe me 23 goditje në portë krahasuar me dy të Gjermanisë.
“Ne e morëm iniciativën nga minuta e parë, i nxorëm nga loja dhe jemi të lumtur me këtë paraqitje”, tha Torres pas ndeshjes.
I pyetur për het-trikun, ai shtoi: “Çdo lojtar ëndërron të shënojë het-trik dhe fakti që e bëra kundër një kombëtareje si Gjermania më bën shumë të lumtur”.
Kjo ishte humbja më e thellë e Gjermanisë në një ndeshje garuese, pasi ekipi kombëtar gjerman nuk i kishte pësuar gjashtë gola që nga ndeshja e vitit 1958 kundër Francës.
Kjo ishte humbja e parë e skuadrës së Joachim Low pas 12 ndeshjeve pa disfatë. Disfata e fundit e Gjermanisë ishte kundër Holandës në shtator të vitit 2019./Gazeta Express/
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...