Gjiganti i Premier League, Aston Villa thuhet se ka bërë një ofertë prej 15 milionë eurosh për yllin shqiptar të Besiktasit, Ernest Muçi.

Muçi u transferua në afatin kalimtar të janarit te Besiktasi nga Legia Varshava për një shifër të raportuar prej 10 milionë euro.

💥 Beşiktaş’ta Gedson Fernandes ve Ernest Muçi transferin gözdesi

Gedson Fernandes
💰 Portekizli oyuncu için Rusya’dan menajerler aracılığıyla gelen 12 milyon Euro’luk teklife yönetimde olumlu bakanlar var.

Ernest Muçi
💰 Aston Villa’nın Beşiktaş’a da transfer olmadan yakından… pic.twitter.com/8I4OK2geOw

— Fanatik (@fanatikcomtr) May 7, 2024

Në 13 ndeshje zyrtare në këtë sezon në të gjitha garat, sulmuesi shqiptar ka kontribuar me tri gola duke bërë që ai të bie në radarin e klubeve të njohura.

Sipas gazetës turke Fanatik, Aston Villa ka bërë një ofertë prej 15 milionë eurosh për transferimin e Muçit në verë.

Ky medium shton se transferimi i yllit të gjithanshëm shqiptar është aprovuar nga vet trajneri spanjoll i skuadrës angleze, Unai Emery.

Megjithatë, drejtuesit e klubit e kanë refuzuar këtë ofertë pasi thuhet se duan rreth 25-30 milionë euro për ish-lojtarin e Tiranës.

Përveç kësaj, drejtuesit e klubit të madh turk pritet t’ia lënë në dorë trajnerit të ri vendimin për Muçin.

Ndryshe, Aston Villa llogaritet si një klubi i madh anglez, pasi ka fituar shtatë herë titullin e Ligës Premier dhe shtatë herë FA Cup.