Tifozët votojnë për sulmuesin me të cilin dëshirojnë ta zëvendësojnë Cristiano Ronaldon

19:28 | 27 Korrik 2018
Arbresh Info

Sulmuesi i Tottenham Hotspurit, Harry Kane është votuar si zgjedhja e preferuar e tifozëve të Real Madridit për të zëvendësuar superyllin Cristiano Ronaldo që u transferua për 100 milionë euro te Juventusi këtë verë.

Sondazhi është bërë nga ‘Marca’, e cila ka pyetur 200 mijë tifozët të Madridit se cilin sulmues dëshirojnë ta shohin në Bernabeu duke përfshirë një listë me nëntë zgjedhje, transmeton portali arbresh.info.

Kane mori 26 për qind të votave, ndërsa Edinson Cavani dhe Mauro Icardi i Interit ishin të dy pas tij me 14 për qind të votave.

Po ashtu, vota mori edhe sulmuesi i Lyonit, Mariano Diaz, me 12 për qind, shifër të cilën e mori edhe Robert Lewandowski i Bayern Munichut.

Në fund ishte Roberto Firmino i Liverpoolit me vetëm dy për qind të votave, gjë që dukej qartë se nuk është i admiruar nga tifozët e ‘Los Blancos’.

Ronaldo iu bashkua skuadrës në Bernabeu në vitin 2009 dhe brenda 438 ndeshjeve për klubin ka shënuar 450 gola./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm