Tifozët shqiptarë pushtuan Gjermaninë, renditen të katërtit në këtë Euro 2024

16:29 | 30 Qershor 2024
D.H

Shqipëria u kualifikua për herë të dytë në histori në një kompeticion madhor si Evropiani.

Andaj edhe përkrahja e tifozëve shqiptar nga ane e mbanë bota në Gjermani ishte e madhe, shkruan Arbresh.info.

Sipas statistikave të nxjerra mbi 95 mijë tifozë shqiptarë kanë qenë të pranishëm në tri ndeshjet e kombëtares së Shqipërisë në fazën e grupeve.

Kështu falë këtij mobilizimi fantastik ata ishin të katërtit me më së shumti pjesëmarrje në këtë turne pas Turqisë, nikoqires Gjermanisë dhe Kroacisë.

Ndërsa lanë pas vende të mëdha si Spanja, Franca, Holanda, Belgjika, Italia, Anglia e të tjera.

Më së shumti tifozë pati Turqia me mbi 130 mijë, teksa rreth 125 mijë ka pasur Gjermania, Kroacia ishte e treta me 103 mijë.

Kujtojmë se Shqipëria u eliminua në fazën e grupeve teksa Kampionati Evropian është në fazën e 1/8 së finales ndërsa finalja e madhe luhet me 14 korrik në Berlin./Arbresh.info/

 

 

Shpërndaje në rrjete sociale

Lajmet më të lexuara

Të ngjashme

Foto lajm