Tifozët e Kosovës do të vuajnë përsëri për biletat, derisa kjo kompani ia kishte ofruar falas FFK-së këtë shërbim

17:20 | 23 Tetor 2018
Arbresh.info

Federata e Futbollit të Kosovës kishte premtuar që biletat për ndeshjen ndaj Maltës, do të shiten online.

Mirëpo ky premtim nuk u realizua për shkak të, siç u tha, “pa-mundësisë teknike”.

Në pikat e shitjes u krijuan probleme të mëdha, intervenoi Policia e Kosovës e pati tifozë të lënduar.

Pak orë para ndeshjes, FFK bëri të ditur që prej takimit të ardhshëm në shtëpi, ndaj Azerbajxhanit, biletat do të shiten online.

Mirëpo, kompania “Alt 4″ ka bërë të ditur sot që online do të shiten vetëm 1000 bileta, sepse ky sistem kaq i “ndërlikuar” kërkon fillimisht një testim. Qesharake.

Pas ndeshjes ndaj Maltës, kompania “LinkPlus” ia ka ofruar FFK-së mbulimin e shitjes së biletave online pa pagesë, pra falas, mirëpo kjo ofertë ka rënë në vesh të shurdhër.

Kësisoj, tifozët e Kosovës do të duhet të presin me orë të tëra para filialave të Ipko-s, e madje ndoshta edhe të përballen me gazin lotsjellës të policisë, për një biletë të ndeshjes Kosovë-Azerbajxhan.

Shpërndaje në rrjete sociale

Lajmet më të lexuara

Të ngjashme

Foto lajm