Ter Stegen operohet me sukses, do t’i mungojë Barcelonës disa muaj

20:24 | 18 Gusht 2020
A. B.

Portieri i Barcelonës, Marc-André ter Stegen, ​​është operuar me sukses në gjurin e tij të djathtë.

Mësohet se portieri do të jetë i gatshëm për dy muaj e gjysmë, sipas asaj që ka njoftuar stafi mjekësor i klubit të Barcelonës në një deklaratë zyrtare.

Një mungesë disi më e gjatë se sa pritej, por që Ter Stegen do të përpiqet ta shkurtojë.

Ter Stegen nuk do të mund të japë kontribut për “blaugranat” deri në fund të tetorit.

Portieri gjerman ka marrë pjesë në gjithsej 46 ndeshje këtë sezon: 36 në La Liga, tetë në Ligën e Kampionëve dhe dy në Copa del Rey.

Përveç kësaj, ai ka arritur ta mbajë të paprekur rrjetën në 15 raste. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm