Tensionet mes Rusisë dhe Ukrainës rrezikojnë zhvillimin e ndeshjes Vorskla Poltava – Arsenal

17:15 | 28 Nëntor 2018
Arbresh Info

Ndeshja në Evropa Ligë mes Arsenalit dhe Vorskla Potavas rrezikon të mos zhvillohet për shkak se klubi ukrainas nuk garanton që ndeshja do të shkojë siç është paraparë.

Ndeshja ishte zhvendosur për tu zhvilluar nga Poltava në Kiev për shkaqe sigurie pas ligjit ushtarak që ishte prezantuar në disa pjesë të vendit, transmeton portali arbresh.info.

Tensionet mes Rusisë dhe Ukrainës janë duke vluar pas kapjes së tri anijeve ukrainase jashtë brigjeve të Krimesë.

Rreth 500 tifozë “Topçinjve” pritet të jenë të pranishëm në këtë ndeshje, por atyre iu është thënë dje të bëjnë një udhëtim prej 350 kilometra deri në kryeqytet.

Kujtojmë se dy yjet shqiptarë, Granit Xhaka dhe Shkodran Mustafi, janë pjesë e skuadrës angleze dhe mund të jenë ftuar nga Emery për takimin e nesërm./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm