Ten Hag i kërkon drejtuesve blerjen e Mac Allister

10:31 | 4 Maj 2023
A. B.

Interesimi i trajnerit të Manchester United, Erik ten Hag për Alexis Mac Allister thuhet të jetë shumë real, pasi holandezi e do mesfushorin argjentinas në Old Trafford.

Djajtë e Kuq janë gati të bëjnë një lëvizje gjatë afatit kalimtar të verës për mesfushorin argjentinas.

Sipas gazetës AS në Spanjë, pasi e ka parë mesfushorin në gjysmëfinalen e FA Cup kundër skuadrës së tij, Ten Hag dëshiron të sigurojë nënshkrimin e tij.

Trajneri i Unitedit beson se Mac Allister mund të ndihmojë në evoluimin e ekipit të tij drejt një stili më të bazuar në zotërimin e topit.

Megjithatë, 24-vjeçari nuk do të jetë i lirë, pasi Brighton nuk ka ndërmend ta shesë me çmim të lirë.

Djajtë e Kuq do të duhet të paguajnë deri në 70 milionë euro për të siguruar nënshkrimin e Mac Allister.

Mesfushori argjentinas pëlqehet shumë edhe nga Liverpooli, Juventusi dhe Atletico Madridi. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm