Talenti i ri i Arsenalit largohet nga fusha pas abuzime raciste

18:24 | 10 Korrik 2019
Arbresh Info

Talenti i ri Jordi Osei-Tutu ka qenë shënjestër e abuzimeve raciste derisa ishte duke luajtur te Bochumi.

Mbrojtësi 20-vjeçar i krahut të djathtë ishte duke luajtur ndeshjen e tij të parë pas huazimit te klubi gjerman nga gjiganti anglez – Arsenali, transmeton portali arbresh.info.

Ai raportohet të jetë abuzuar nga lojtari kundërshtar i skuadrës St Gallen gjatë një ndeshje miqësore.

Osei Tutu u largua nga fusha me lot në sy menjëherë pasi dëgjoi abuzimet raciste ndaj tij derisa po zhvillohej minuta e 42′ e ndeshjes.

Arsenali dhe Bochumi kanë reaguar të dy duke dënuar ofendimet ndaj tij dhe duke i ofruar mbështetje.

Tutu iu bashkua skuadrës së Bochumit muajin e kaluar./arbresh.info/

https://twitter.com/TheUnaiView/status/1148674530690437121

Shpërndaje në rrjete sociale

Lajmet më të lexuara

Të ngjashme

Foto lajm