Gjatë ditës së sotme janë takuar katër krerët e Federatave më të mëdha të sportit në Kosovë.
Katër krerët e Federatës së Futbollit, Basketbollit, Hendbollit dhe Volejbollit të Kosovës, kanë zhvilluar një takim ku diskutuan rreth projekteve dhe proceset sportive të federatave që ata udhëheqin, shkruan Arbresh.info.
Lajmi e ka bërë të ditur i pari i FFK-së, Agim Ademi përmes një postimi në rrjetin social në Facebook.
“Bashkë me presidentin e Federatës së Basketbollit, Arben Fetahu, presidentin e Federatës së Hendbollit, Eugen Saraqini dhe presidentin e Federatës së Volejbollit, Bahri Gjinovci diskutuam me tone pozitive dhe shkëmbyem ide e mendime për projektet dhe proceset sportive të federatave që i udhëheqim”, ka shkruar kreu i FFK-së, Agim Ademi.
Ata kanë diskutuar gjithashtu rreth grupeve të tifozëve të klubeve, e me theks të veçantë tifogrupin e Kombëtares, Dardanët.
“E vlerësuam të nevojshme që të kontaktohen këto grupe të tifozëve dhe të shpalosen projekte për organizimin e tyre sa më të mirë. Në të gjitha temat që diskutuam arritëm pajtueshmëri të plotë”, shkruhet tutje në postimin e kryetarit të FFK-së.
Ai ka paralajmëruar një takim tjetër të katër Federatave përkatëse në muajin shkurt./Arbresh.info/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite