Google ADS

Sylvinho me staf kanë qenë pjesë e duelit Spanja-Brazil në “Santiago Bernabeu”

09:52 | 27 Mars 2024
D.H

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live në “Santiago Bernabeu” miqësoren e luksit mes Spanjës dhe Brazilit.

Një mision i dyfishtë për Sylvinhon, që krahas mbështetjes për Brazilin e tij, do të monitorojë nga afër edhe Spanjën, kundërshtarin e Shqipërisë në ndeshjet e grupeve të Europianit Gjermani 2024.

Natyrisht bëhet fjalë për një nga skuadrat favorite të Europianit, ndaj të cilëve do të jetë padyshim e vështirë, megjithatë Sylvinho do të provojë që nga tribuna, të evidentojë ndonjë dobësi të “Furia Roja-s” për ta shfrytëzuar më pas në Gjermani.

Në këtë mision Sylvinho shoqërohet edhe nga ndihmësit e tij Pablo Zaballeta e Doriva, teksa vlen të theksohet se Shqipëria do të përballet me Spanjën më 24 qershor në Dusseldorf, në ndeshjen e tretë dhe të fundit të fazës së grupeve./ss

Shpërndaje në rrjete sociale

Lajmet më të lexuara

Të ngjashme

Foto lajm