Superkupa e Italisë me format të ri

09:44 | 18 Janar 2024
D.H

Superkupa e Italisë fillon sonte por me një format të ri të garës.

Federata Italiane e Futbollit ka vendosur që nga ky vit ky format të zgjerohet në katër skuadra, shkruan Arbresh.info.

Në eventin e Superkupës së Italisë nga ky sezon tash e tutje marrin pjesë jo vetëm kampioni i Italisë dhe fituesi i Kupës, mirëpo edhe nënkampioni i Serie A dhe finalisti i Kupës së Italisë.

Sot nis edhe zyrtarisht ky event me ndeshjen ndërmjet Napolit dhe Fiorentinës.

Kjo ndeshje fillon nga ora 20:00 në Riyadh të Arabisë.

Ndërsa ndeshja tjetër luhet ndërmjet Interit dhe Lazios nesër në po të njëjtin orar.

Kampion në fuqi i Superkupës së Italisë është Interi që mposhti Milanin me rezultat 3-0 vitin e kaluar./Arbresh.info/

 

 

 

Shpërndaje në rrjete sociale

Lajmet më të lexuara

Të ngjashme

Foto lajm