Google ADS

Sturaro dështon në testet mjekësore te Sportingu?

21:27 | 11 Gusht 2018
Arbresh.info

Mediat portugeze raportojnë se kalimi i Stefano Sturaros te Sporting CP ka ngecur për shkak të moskompletimit të ekzaminimeve mjekësore.

Sipas Record, mesfushori i Juventusit ka dështuar në testet mjekësore për shkak të një lëndimi në dorë.

Tashmë janë duke vazhduar bisedimet ndërmjet dy klubeve, ndërsa thuhet se Sportingu nuk do t’i paguajë dy milionë eurot për huazimin e tij.

Nga ana tjetër, O Jogo raporton se edhe lojtari akoma nuk ka arritur marrëveshje personale me klubin portugez, ashtu që transferimi mund të dështojë.

25-vjeçari është pjesë e Juventusit që nga viti 2014 kur u transferua nga Genoa, por atë sezon mbeti i huazuar te skuadra paraprake.

Duke qenë se nuk bën pjesë në planet e Massimilano Allegrit, Zonja e Vjetër vendosi ta largonte nga skuadra.

Ai ka luajtur në të gjitha grupmoshat edhe për Italinë, ndërsa nga viti 2016 është përfshirë në ekipin e parë, ku deri më tani i ka regjistruar shtatë paraqitje. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm