Strootman do të largohet nga Marseille në janar, katër oferta për mesfushorin holandez

08:43 | 30 Nëntor 2019
A. B.

Kevin Strootman do të largohet nga skuadra e tij aktuale Olympique Marseille.

Pas largimit të trajnerit Rudi Garcia, Strootman nuk është më i lumtur tek skuadra e tij aktuale.

Mesfushori holandez ka menduar largimin nga gjiganti francez gjatë afatit kalimtar të janarit, derisa ofertat për të nuk mungojnë.

Napoli ka shprehur dëshirë për ta rikthyer në Itali holandezin, por për të ka oferta edhe nga kampionati anglez.

Everton dhe West Ham United kanë shprehur dëshirë për ta transferuar atë, derisa Marseille synon të fitojë rreth 15 milionë euro nga shitja e tij.

Opsioni i fundit për 29-vjeçarin mbetet rikthimi në kampionatin holandez ku po kërkohet nga ish-skuadra e tij PSV Eindhoven. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm