Stoke City i Xherdan Shaqirit bie nga Premierë Liga

15:47 | 5 Maj 2018
Arbresh Info

Stoke City është bërë skuadra e parë brenda këtij sezoni që është dëbuar nga Premierë Liga.

Disfata 2 me 1 e pësuar në shtëpi pasditen e sotme (e shtunë) kundër Crystal Palaces konfirmoi rënien e tyre nga kampionati më i madh në Angli pas dhjetë viteve kur ishin promovuar, shkruan portali arbresh.info.Xherdan Shaqiri i dha shpresë skuadrës së Paul Lambert me supergolin nga gjuajtja e lirë të realizuar vetëm dy minuta pa përfunduar koha e rregullt e pjesës së parë në Bet365.

Mirëpo, avantazhi i krijuar nga anësori kosovar nuk i mjaftoi skuadrës së Stoke Cityt për shkak se James McArthur zhvlerësoi golin nga 26-vjeçari në minutën e 68′ para se Patrick van Aanholt të përmbyste rezultatin duke realizuar për 2 me 1.

Pas dëbimit nga Premierë Liga, Shaqiri është njëri nga yjet e skuadrës që pritet të largohet nga klubi gjatë merkatos verore./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm