Starova pushohet nga puna pas fitores së parë

23:26 | 2 Shtator 2018
Arbresh.info

Pa nisur mirë shtatori, në Kosovë nisin adetin dhe ka ardhur edhe largimi i parë të trajnerët, që zakonisht janë më të keqtrajtuarit, sepse çdo sezon klubet kosovare ndryshojnë 2-3 trajnerë, duke u bërë qesharakë.

E diela ka rezultuar fatale për Sulejman Starovën, i cili nuk është më trajner i tFeronikelit.

“DrenicaOnline” raporton nga burime brenda Kryesisë së klubit nga Drenasi se Starova është shkarkuar nga detyra për shkak të paraqitjeve jo të shkëlqyera të ekipit.

Shkarkimi i trajnerit të njohur vjen në një moment të çuditshëm, sepse në fundjavë Feronikeli fitoi 1-0 ndaj KF Ballkanit dhe u duk se ishte rezultat që shmangu furtunën.

Gjithsesi, 9 barazime në 12 ndeshje dhe një lojë aspak bindëse e Feronikelit kanë çuar te vendimi i prerë.

Starova tashmë do të kthehet në Shqipëri, por duke e njohur, zor se do të qëndrojë gjatë pa punë, sepse edhe në Superiore e kemi sëmundje ndryshimin e trajnerëve gjatë sezonit dhe e diela ka qenë fatale për Bledar Devollin e Kamzës.

Shpërndaje në rrjete sociale

Lajmet më të lexuara

Të ngjashme

Foto lajm