Federata e Futbollit të Spanjës shokoi të gjithë me vendimin, për ta shkarkuar trajnerin Julen Lopetegui, një ditë para fillimit të kampionatit botëror ‘Rusia 2018’.

Lopetegui u shkarkua si pasojë, e zyrtarizimit të tij si trajner i ri i Real Madridit, gjatë ditës së djeshme.

Kjo ka bërë që ai të humbas besimin e presidentit të Federatës, Luis Rubiales,  dhe është ndjerë i tradhtuar nga ai, për shkak se ishte njoftuar vetëm pesë minuta para se të bëhëj zyrtarzimi i tij.

Megjithatë, Federata e Futbollit së Spanjës nuk ka humbur kohë dhe ka gjetur zëvendësimin e tij, që do ta udhëheqën kombëtaren në Rusi.

Trajneri i ri i Spanjës do të jetë Fernando Hierro.

Hierro deri tani ushtronte rolin e drejtorit sportiv në Federatë dhe tashmë ka një detyrë të madhe para vetës.

Kujtojmë se Hierro është legjendë e Real Madridit, duke qëndruar për 14 vite te los blancos, më pas karrierën e vazhdoi në Vallodollid dhe në Bolton, në Angli.

Ai me Spanjën ka 89 ndeshje dhe ka shënuar 29 gola./arbresh.info/

https://twitter.com/SeFutbol/status/1006872429560516608