Napolit i është shuar ëndrra për Ligën e Kampionëve, kjo pasi mbrëmë Milani arriti ta eliminonte me rezultat 1:1.

Pas ndeshjes trajneri i Napolit, Spalleti para mediave përgëzoi Milanin, por përgëzoi edhe lojtarët e tij pasi sipas tij ata treguan një lojë mjaft të mirë.

“E përgëzojmë Milanin për kualifikimin, ata luajtën dy ndeshje duke përfituar maksimalisht dhe kjo është një simptomë e skuadrës dhe lojtarëve që dinë të zgjedhin momentet e ndeshjes – komentoi Spalletti – Por unë gjithashtu përgëzoj Napolin sepse Liga jonë e Kampionëve ishte e nivelit më të lartë dhe ne luajtëm një ndeshje të mrekullueshme edhe sonte. Pastaj ishim naivë, duke paguar për papërvojën në momente të caktuara të ndeshjes. Kemi paguar disa gabime dhe disa padrejtësi”.

Ai tha se do të mund ta kishin shmangur penalltinë

‘Për Napolin është rezultati i tretë negativ kundër Milanit në pak ditë, pas asaj disfate në kampionat, ne luajtëm ndeshjen si në Milano ashtu edhe sonte. Mund të kishim shmangur penalltinë dhe po ashtu golin pasi ishim në zotërim të plotë, por i lamë Milanit mundësinë e përmbysjes së aksionit”, tha ai./Arbresh.info/