Spalletti dhe Zanetti takojnë tifozët shqiptarë, bëjnë shqiponjën

15:43 | 29 Prill 2019
Arbresh.info

Luciano Spalletti dhe Javier Zanetti për një ditë flasin shqip. Trajneri dhe zëvendës presidenti i klubit zikaltër të shtunën para derbit të Italisë ndaj Juventusit janë takuar nga afër me tifozë shqiptarë të Interit.

Një grup i vogël fansash ishin të pranishëm në restorantin që është në pronësi të Luciano Spallettit i cili rastisi në ato momente në biznesin e tij dhe nuk nguroi të bënte një foto me tifozët shqiptarë duke bërë gjestin e shqiponjës.

Ndërkohë rreth 60 tifozë anëtarë të “Inter Club Albania” të cilët udhëtuan drejt Milanos për të ndjekur nga afër Inter-Juve, disa orë përpara ndeshjes patën një takim me legjendën zikaltër Javier Zanetti.

Presidenti i “Inter Club Albania”, Juxhin Rama i dorëzoi ish-kapitenit, tashmë në rolin e zëvendëspresidentit, çmimin anëtar nderi i “Inter Club Albania”, çmim të cilin Zanetti e pranoi me kënaqësi siç shihet edhe në këto foto

Shpërndaje në rrjete sociale

Lajmet më të lexuara

Të ngjashme

Foto lajm