Sot fillojnë Lojërat Olimpike Dimërore në fshatin ndërkombëtar PyeongChang 2018, me ceremoninë hapëse që do të nisë nga ora 12:00 sipas kohë sonë lokale.
Kosova do të bëjë parakalimin historik, të parin në Lojërat Olimpike Dimërore. Ekipit olimpik të Kosovës, që do të parakalojë me flamurin tonë do t’i prijë bartësi i flamurit, skitari Albin Tahiri, raporton Express.
Albin Tahiri është skitari që do ta përfaqësojë Kosovën në këto Lojëra Olimpike.
Tahiri ka fituar normën olimpike në pesë disiplina të skijimit alpik. Ai do të garojë në sllallom, sllallom të madh, super sllallom të madh, lëshim të shpejtë dhe kombinim alpik.
Garën e parë, Albini do ta ketë më 11 shkurt në lëshim të shpejtë.
Garat e lëshimit të shpejtë fillojnë në ora 3 të mëngjesit me kohën tonë lokale, kurse në 11:00 me kohën në Korenë e Jugut.
Lëshimi i shpejtë mbahet në qendrën alpike në Jeongseon, e cila ndodhet rreth 40 kilometra larg qytetit të PyeongChangut.
Garën e dytë, Albini do ta ketë më 13 shkurt në kombinim alpik. Gara fillon në ora 3:30 me kohën tonë lokale.
Dy ditë më vonë, më 15 shkurt Albin Tahiri do ta sfidojë veten në një ditë të veçantë për të. Ai do të garojë në super sllallom të madh në ditën kur do të mbush 29 vjet. Edhe kjo garë fillon nga ora 03:00 me kohën tonë lokale.
Gara e ardhshme e tij është ajo e sllallomit të madh që mbahet më 18 shkurt, dhe e cila fillon nga ora 02:15.
Sfida e fundit kur do ta shohim Albinin në gara të LOD PyeongChang 2018 do të jetë më 22 shkurt, kur do të garojë në sllallom, duke filluar nga ora 2:15.
Orari i garave të Tahirit:
Data Disiplina Ora
11 shkurt – Lëshim i shpejtë 03:00 (koha jonë lokale)
13 shkurt – Kombinim alpik 03:30
15 shkurt – Super sllallom i madh 03:00
18 shkurt – Sllallom i madh 02:15
22 shkurt – Sllallom 02:15./gazeta express/
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...