Sonte Krasniqi-Silva, kosovari beson në fitore

15:24 | 4 Maj 2024
E.K

Boksieri i njohur kosovar, Robin Krasniqi sonte do të rikthehet në ring.

Krasniqi do të ndeshet me portugezin Jorge Silva në “vor der Haustur” në Augsburg, aty ku edhe jeton boksieri nga Juniku.

Krasniqi është shprehur i bindur se do ta mposht portugezin Jorge Silva.

“Jam shumë i lumtur që lufta ime e radhës do të zhvillohet në Augsburg. Unë jetoj në Gersthofen prej disa vitesh dhe ndihem shumë rehat këtu. Do t’u ofroj tifozëve atë që ata gjithmonë presin nga unë, domethënë një luftë të fortë në të cilën unë do të largohem nga ringu si fitues”, tha Krasniqi.

Duhet cekur se ky meç do të jetë numër 61 profesionale në karrierë për boksierin kosovar.

Spektakli i boksit do të nis në orën 22:00, ku paraprakisht do të zhvillohen edhe disa duele tjerë në këtë event të madh të boksit./rtk

Shpërndaje në rrjete sociale

Lajmet më të lexuara

Të ngjashme

Foto lajm