Ole Gunnar Solskjaer ka fituar tashmë besimin e lojtarëve të Manchester Unitedit.

E përditshmja britanike, Mirror shkruan se norvegjezi ka kontratë me klubin anglez deri në fund të sezonit, ndërsa kryesia e Unitedit është në proces e sipër të përzgjedhjes së një pasuesi.

Javë më parë pas rezultateve të dobëta, Djajtë e Kuq shkarkuan trajnerin e njohur portugez, Jose Mourinho.

Megjithëse trajneri i Tottenham Hotspur, Mauricio Pochettino mbetet zgjedhja e parë e bordit, lojtarët e gjigantit të Old Trafford do të ishin të lumtur që të vazhdonin me trajnerin aktual, transmeton Telegrafi.

Ish-sulmuesi ka bërë “kërkesë” që të qëndroj në krye të ekipit përtej këtij sezoni pas pesë fitore të njëpasnjëshme në po aq ndeshje.

Stili i menaxhimit gjithëpërfshirës të Solskjaerit, në krahasim me qasjen e ndarë të paraardhësit Jose Mourinho, është përshëndetur nga skuadra e Unitedit, veçanërisht nga sulmuesit.

Strategu 45-vjeçar, i cili aktualisht është huazuar nga skuadra e Moldes, nuk ka bërë ndonjë sekret të suksesit, pore zëvendëskryetari ekzekutiv Ed Woodward thuhet të jetë jashtëzakonisht i impresionuar nga fillimi që ka bërë trajneri.