Google ADS

Solskjaer i dërgon mesazh bordit të Manchester United pas dyshimeve të ngritura rreth të ardhmes së tij

21:14 | 10 Nëntor 2020
A. B.

Ole Gunnar Solskjaer i ka dërguar mesazh bordit të Manchester United pasi janë ngritur dyshime rreth të ardhmes së tij në Old Trafford, raporton The Telegraph.

Djajtë e Kuq kanë humbur në shtëpi nga Arsenali dhe pësuan disfatë edhe nga Basaksehir në Ligën e Kampionëve, derisa nuk e kanë fituar ende asnjë takim në stadiumin e tyre.

Duke marrë parasysh atë që kanë pësuar Louis van Gaal dhe Jose Mourinho, nuk përjashtohet mundësia që edhe norvegjezi të ballafaqohet me një gjë të tillë.

Manchester United fitoi 3-1 në udhëtim te Evertoni në fundjavën e kaluar, por që kjo gjë nuk e ka larguar rrezikun e shkarkimit të Solskjaerit.

The Telegraph raporton se trajneri ka kërkuar nga bordi i klubit që të shikojnë në transferime të mëdha në janar, se sa të shkarkojnë atë.

Por, nëse vazhdon forma me rezultate negative deri në fund të vitit, atëherë nuk përjashtohet mundësia edhe e shkarkimit të tij. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm