Google ADS

Silva: Dua të luaj me Messin, Liverpool ka fituar Premierë Ligën

20:22 | 24 Shkurt 2020
Arbresh Info

Sulmuesi i Manchester Cityt, Bernardo Silva ka zbuluar dëshirën që ka për të luajtur me yllin e Barcelonës, Lionel Messi.

Portugezi është duke luajtur me Cristiano Ronaldon në Kombëtaren e Portugalisë, por dëshiron që të luaj edhe me Messin, transmeton portali arbresh.info.

“Luaj me Cristianon në Kombëtare dhe nëse luaj me Messin, do të isha në gjendje të thosha se kam luajtur me dy lojtarët më të mirë në histori të futbollit, do ishte kënaqësi”.

“Por është çështje e komplikuar, në City apo Barcelonë?”, deklaroi ai për Cadena Ser.

Ndërsa i pyetur për suksesin e madh të Liverpoolit, portugezi tha se tashmë “Reds” e kanë fituar kampionatin anglez.

“Janë duke pasur sezon mjaftë të mirë. Tashmë kanë fituar Premierë Ligën. Janë një ndër skuadrat me të mira në botë”.

“Mendoj se duhet të kishim luftuar më shumë, por distanca është shumë e madhe”, përfundoi Silva.

City të mërkurën mbrëma do përballet me Real Madrid në “Santiago Bernabeu”./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm