Google ADS

Shtyhet debutimi i Thibaut Courtois në Real Madrid

08:12 | 15 Gusht 2018
Arbresh Info

Thibaut Courtois pritet të mungojë në ndeshjen e Real Madridit për Superkupë ndaj Atleticos mbrëmjen e sotme (e mërkurë).

Reprezentuesi belg finalizoi javën e kaluar transferimin e tij për 35 milionë funta nga Chelsea në Santiago Bernabeu, transmeton portali arbresh.info.

Courtois ka udhëtuar me skuadrën e Real Madridit në Estoni për ndeshjen e tyre të Superkupës kundër Atleticos dhe pritej të bënte sonte debutimin zyrtar.

26-vjeçari u stërvit gjithashtu me bashkëlojtarët e tij në Madrid mbrëmjen e kaluar në stadiumin Lillekuela në Tallinn.

Por, ‘Cadena COPE’ raporton që Courtois nuk do të luaj në ndeshjen kundër Atleticos për shkak se nuk është i regjistruar në UEFA për të luajtur në këtë kompeticion.

Kjo do të thotë se Keylor Navas do të jetë startues, ndërsa Kiko Casillas në bankinë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm