Google ADS

Shqipëria ngritet tri pozita në ranglistën e FIFA-s

11:34 | 26 Tetor 2023
D.H

Fitorja 3-0 përballë Çekisë ka afruar kombëtaren kuqezi në Europianin Gjermani 2024. Tashmë nevojitet një pikë në dy sfidat e fundit përballë Moldavisë dhe Ishujve Faroe që skuadra e Sylvinhos të sigurojë matematikisht kualifikimin në Europianin e verës së ardhshme.

Kuqezinjtë triumfuan 2-0 edhe në miqësoren përballë Bullgarisë, e luajtur pesë ditë pas triumfit historik ndaj çekëve. Dhe dy sukseset e muajit tetor kanë sjellë ngritjen e Shqipërisë në renditjen e FIFA-s.

Kombëtarja renditet në vendin numër 59, tri pozicione më lart krahasuar me renditjen e muajit të kaluar. Synimet e radhës janë fitoret në Moldavi dhe me Ishujt Faroe në “Air Albania”.

Që do të sillnin “blindimin” e vendit të parë në grupin E, gjithashtu edhe një pozicionim edhe më të mirë në renditjen e FIFA-s.

Shqipëria ndeshjen e ardhshme e luan me Moldavinë me datën 17 nëntor, teksa tri ditë më vonë zbarkojnë Ishujt Faroe në kryeqytetin shqiptar./ss

Shpërndaje në rrjete sociale

Lajmet më të lexuara

Të ngjashme

Foto lajm