Kombëtarja e Shqipërisë luan sot takimin e radhës në kuadër të kualifikimeve për “Euro 2024”, ndaj Republikës Çeke.
Ndeshja luhet me fillim nga ora 20:45, në stadiumin “Air Albania”, shkruan Arbresh.info.
Kjo ndeshje cilësohet si një finale për kuqezinjtë, pasi me një fitore eventuale ndaj rivalit direkt për vend të parë, do të ishte vetëm dy pikë larg kualifikimit për në Gjermani.
Shqipëria në këto kualifikime ka bilanc njëqind për qind të fitoreve në stadiumin mitik “Air Albania” , duke mposhtu Moldavinë 2-0 dhe Poloninë me të njëjtin rezultat.
Një mungesë e madhe për Sylvinjon do të jetë Armando Broja, sulmuesi i Chelseas i cili nuk është gati një qind për qind sipas trajnerit.
Teksa Çekisë vazhdon të i mungojë Patrik Schick.
Kujtojmë se për këtë ndeshje janë shitur të gjitha biletat dhe pritet një atmosferë e jashtëzakonshme në “Air Albania”.
Tabelës së këtij grupi i prinë Shqipëria me 10 pikë, pason Republika Çeke dhe Moldavia me nga tetë pikë, Polonia është e katërta me 6 pikë ndërsa Ishujt Faroe janë të fundit me një pikë./Arbresh.info/
Merr flakë banesa në Pukë, detajet e para
Turqia i kërkon Perëndimit të ndërmarrë masa ndaj Izraelit
Veliaj: Policia Bashkiake e Tiranës certifikohet me standard...
Rizvanolli për KEK-un: Ka qenë dhe mbetet njëra ndër ndërmar...
Gërmimi për varreza masive në Serbi mbetet sfidë për Kosovën
Shirat e dendur godasin Japoninë, një i vdekur dhe disa të z...