Shqipëria fillon sot edicionin e dytë të Ligës së Kombeve në udhëtim te Bjellorusia

09:51 | 4 Shtator 2020
M. A.

Kombëtarja e Shqipërisë e nis sot (e premte) kampanjën për edicionin e dytë të Ligës së Kombeve me një ndeshje në udhëtim te Bjellorusia.

Kuqezinjtë do ta fillojnë ëndrrën për kualifikim në Kupën e Botës 2022 me një ndeshje në udhëtim në Grupin 4 në Ligën C të Ligës së Kombeve.

Ekipi i trajnerit Edy Reja do të kërkojë fitoren në udhëtimin e tyre në Minsk për përballje me Bjellorusinë.

Kombëtarja shqiptare është gati dhe synon rezultat pozitiv për të nisur në mënyrën më të mirë këtë kampanjë.

Ky takim fillon nga ora 20:45 dhe zhvillohet në stadiumin Dinamo në qytetin e Minskit.

Përveç Shqipërisë dhe Bjellorusisë në grupin 4 të Ligës C marrin pjesë edhe Kazakistani dhe Lituania.

Shpërndaje në rrjete sociale

Lajmet më të lexuara

Të ngjashme

Foto lajm