Google ADS

Shpërtheu në lot pas fitores ndaj Liverpoolit, Hasenhuttl kritikohet nga Capello

09:15 | 8 Janar 2021
Arbresh.info

Fabio Capello nuk ishte aspak i impresionuar nga shfaqja e emocioneve e menaxherit të Southamptonit, Ralph Hasenhuttl, pas fitores ndaj Liverpoolit.

Trajneri i njohur ra në gjunjë dhe shpërtheu në lot pas fërshëllimës së fundit në fitoren 1-0 kundër kampionëve në fuqi të Ligës Premier.

“Unë nuk e kuptoj këtë lloj gjëje”, ka thënë fillimisht ish-menaxheri i Anglisë për Sky Sport Italia.

“Ai ishte duke punuar, pak emocione është mirë në këto situata, por kjo ishte krejtësisht e tepërt”.

“Pse duhet të bini në tokë dhe të fillonit të qani?!”, përfundoi Capello.

Hasenhuttl ka thënë për BBC Sport pas ndeshjes se ai u ‘shterë’ nga takimi i ‘tensionuar’.

“Ishte një lojë intensive, zëri im është gati humbi. Djemtë janë të lodhur, duhet të jesh për të fituar kundër një ekipi të tillë. Djemtë besuan në atë që po bënin”.

“Në minutën e 92-të mendova, në rregull, mund të ketë diçka për ne. Është një mbrëmje perfekte”, deklaroi Hasenhuttl./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm