Tyson Furyt i është mbushur kupa. The Gypsy King është “lodhur duke dëgjuar justifikime” nga Anthony Joshua dhe Dillan Whyte, derisa ai po shikon ta finalizojë luftën e ardhshme

Fury ka bërë thirrje që Joshua të tërhiqet nga rimeçi i tij me Oleksandr Usyk, duke lëshuar rrugën për një ndeshje mes Fury dhe Usyk që ata të ndeshen për në kategorinë e peshave të rënda.

Nëse nuk arrihet një marrëveshje me Joshua, ndeshja e detyrueshme e WBC-së me Whyte do të mbahet të mërkurën, me synimin që meçi radhës të jetë me Furyin.

“Jam i lodhur nga këta budallenj, i lodhur nga justifikimet e tyre”, tha ai në rrjetet sociale.

“A do të luftojë me mua Dillian Whyte? A do të largohet Anthony Joshua? Tik tak, tik tak.koha ka mbaruar. Të gjithë ju po fshiheni – frikacakë”.

Pavarësisht këtyre ecejakeve, skuadra e Fury mbetet optimiste që ata mund të arrijnë një marrëveshje me Joshuan para se të bëhen ofertat, të cilat do ta lejojnë atë që të luftojnë kundër Usyk.

⏰ pic.twitter.com/rzAtcLfq3v

— TYSON FURY (@Tyson_Fury) January 25, 2022

Negociatat, megjithatë, mund të përfundojnë pasi që Joshua mohoi se ka një marrëveshje.

Përgjigja e Anthony Joshuas për Tyson Fury

Pasi u zbuluan që promotorët e Fury, Frank Warren dhe Bob Arum janë në bisedime me skuadrën e tij, Joshua ka thënë se ka mohuar të nënshkruajë çdo kontratë.

“E dini çfarë është e keqe në të gjitha këto intervista që shihni?”, tha ai. “Shoh intervista të caktuara që citojnë çfarë kam thënë, dhe mendoj vetmevete; ‘Nuk kam bërë asnjë intervistë. Nga ku i ka marrë ky person këto informata’”.

“Dëgjoj njerëz duke thënë, ‘AJ pranoi 15 milionë funte të tërhiqet’. Nuk kam nënshkruar asnjë kontratë, nuk kam parë asnjë kontratë. Jam një burrë që e kontrolloi fatin tim, jam një individ i mençur që mund t’i llogarisë vendimet e mija dhe çdo hap që marrë”.