Si një tifoz i madh i Shkëndijës, Shpend Ahmeti i ka uruar fat klubit shqiptar për dy ndeshjet e ardhme ndaj gjigantit evropian, AC Milanit.
Kryetari i Komunës së Prishtinës përmes një video të publikuar në faqen zyrtare të KF Shkëndijës ka thënë se është krenar me mundësinë që një klub shqiptar përfundimisht të luaj me një skuadër si ajo e udhëhequr nga Vincenzo Montella, shkruan portali arbresh.info.
“Si një tifoz i Shkëndijës jam shumë i lumtur dhe krenar që më në fund një ekipi shqiptar po i bie të luaj me një klub kaq të madh si Milani në Ligën e Evropës”, ka thënë ai.
Ahmeti gjithashtu shpreson të jetë në stadium për të ndjekur lojën dhe përkrahur futbollistët tanë.
“Me interesim të madh do t’i përcjelli këto dy ndeshje. Besoj që do të jem edhe në stadium për të përkrahur futbollistët tanë, futbollistët e Shkëndijës.
“Andaj sot vetëm mund t’iu urojë suksese dhe t’iu japim mbështetjen sa më të madhe nga gjithë ne tifozët. Forca Shkëndja, forca Ballistat”
Ndeshja e parë Milan – Shkëndija zhvillohet në San Siro më 17 gusht, ndërsa takimi kthyes luhet më 24 gusht në stadiumin “Telekom Arena” në Shkup të Maqedonisë./arbresh.info
https://www.facebook.com/fcshkendija/videos/1509881839034367/
Moti në Shqipëri me vranësira dhe reshje shiu
Mbahet Konferenca e dytë për investitorë “Prishtina 20...
Parashikimi i motit për të premten
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...