Shkupi shpallet kampion në Superligën e Maqedonisë se Veriut

19:29 | 23 Prill 2022
Lorik Gerbeshi

Klubi shqiptar, Shkupi ka fituar titullin kampion në Superligën e Maqedonisë së Veriut në sezonin 2021/22.

Java e 29-të ishte me fat për ekipin shqiptar, Shkupi, i cili arriti të shpallet edhe zyrtarisht kampion i këtij sezoni, katër xhiro para mbylljes së rregullt të kampionatit.

Shkupi sot (e shtunë) arriti të fitojë si vendas ndaj Renovës me rezultat 2-0 për të shkuar në kuotën e 71 pikëve këtë sezon dhe për t’u shpallur matematikisht kampion.

Pas tyre gjenden Akademija Pandev në vendin e dytë me 58 pikë dhe Shkëndija e treta me 56 pikë, por tashmë nuk kanë asnjë mundësi.

Vlen të theksohet se ky është titulli i parë në histori për Shkupin me emrin e ri, pasi në të kaluarën është njohur si Sloga.

Megjithatë, Federata e Futbollit e Maqedonisë së Veriut nuk ja njeh historinë dhe trofetë e fituar me emrin e mëparshëm, pas fuzionimit në një klub.

Sloga ka të fituar tre trofe në të kaluarën dhe një Kupë të vendit, ndërsa ishte themeluar në vitin 1927.

Shpërndaje në rrjete sociale

Lajmet më të lexuara

Të ngjashme

Foto lajm