Shkodran Mustafi mungon ndaj Southamptonit

14:15 | 8 Dhjetor 2017
Arbresh Info

Shkodran Mustafi është konfirmuar se nuk do të jetë në dispozicion për ndeshjen e ardhshme të “Topçinjve”.

Trajneri Arsene Wenger ka konfirmuar në një konferencë për shtyp se mbrojtësi shqiptar nuk do të jetë i gatshëm të rikthehet këtë vikend për ndeshjen kundër Southamptonit, shkruan portali arbresh.info.

Mustafi u lëndua gjatë derbit në Emirates kundër Manchester United dhe u detyrua të largohet nga fusha në minutën e 13′, ku “Djajtë e Kuq” ishin duke udhëhequr me rezultat 2 me 0.

“I vetmi që është jashtë për momentin është Mustafi. Ai me siguri nuk është në dispozicion për të dielën. Këtu ekziston një mundësi e vogël që të rikthehet ndaj West Hamit, por ai nuk do të jetë në dispozicion të dielën”, ka thënë trajneri francez në një konferencë për shtyp para ndeshjes.

Reprezentuesi i Gjermanisë ka bërë vetëm 9 paraqitje pas gjithsej 15 xhirove në Premierë Ligë si pasojë e lëndimeve./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm