Shkëlqen Hazrollaj, Malisheva shënon fitore të madhe

16:10 | 3 Mars 2024
D.H

Malisheva ka arritur të shënoj një fitore të madhe në udhëtim tek Gjilani me rezultat 3-2.

Hattricku i Drilon Hazrollajt i solli Malishevës fitoren e radhës në Superligë, shkruan Arbresh.info.

Fillimisht Gjilani realizoi përmes Jarovic në minutën e nëntë.

Por epërsia nuk zgjati shumë dhe Drilon Hazrollaj filloi magjinë.

10-shi i Malishevës realizoi për 1-1, në minutën e 19-të.

Pesë minuta para fundit të pjesës së parë po i njëjti lojtar nga pika e bardhë, kali në epërsi Malishevën për herë të parë në ndeshje.

Ndërkohë Gjilani nuk u dorëzua dhe arriti të barazoj rezultatin në minutën e 75-të.

Por njeriu i momentit tek Malisheva, Hazrollaj doli sërish në skenë për të realizuar për 3-2, në minutën e 86-të.

Me këtë fitore Malisheva afrohet edhe më shumë top treshes së Superligës, ku tani ka 41 pikë dhe ka vetëm dy më pak se Drita që është e treta.

Kurse Gjilani pas kësaj humbje mbetet i teti në tabelë, me 22 pikë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm