Shkarkohet trajneri serb i Malit të Zi

23:42 | 7 Qershor 2019
Arbresh Info

Kosova barazoi 1 me 1 në ndeshjen mbrëmjen e sotme (e premte) kundër Malit të Zi.

Pavarësisht se gjithçka shkoi mirë në fushë dhe nuk ndodhi asnjë incident apo përleshje mes lojtarëve, gjërat ishin mjaftë në tension para ndeshjes, shkruan portali arbresh.info.

Si pasojë e presionit të madh nga Beogradi, trajneri serb Ljubisa Tumbakovic është detyruar të mos drejtojë kombëtaren e Malit të Zi në ndeshjen kundër “Dardanëve” në kuadër të kualifikimeve për Kampionatin Evropian 2020.

Përveç tij, dy futbollistë të tjerë serbë që janë përfaqësues të Malit të Zi kanë refuzuar të luajnë.

Raporte të ndryshme pretendojnë se ata janë kërcënuar se nuk do të shohin familjen e tyre në rast se veprojnë ndryshe nga urdhrat e tyre.

Sidoqoftë, një takim urgjent nga Federata e Futbollit të Malit të Zi është paralajmëruar menjëherë pas fillimit të ndeshje ndërkohë që tani me të përfunduar ndeshja raportohet nga mediat malazeze se vendimi është marrë për shkarkimin e Tumbakovic./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm