Befasia e këtij fillim sezoni është klubi nga kryeqyteti, Flamurtari, i cili është lider i Ipko Superligës së Kosovës, pas katër xhirosh të zhvilluara.

Flamurtari i udhëhequr nga kryetrajneri, Arsim Thaqi, deri më tani nuk po njeh kundërshtarë, duke arritur të marrin pikë të plota edhe ndaj kampionit aktual, Drita, si mysafirë me rezultat 1 me 3.

E për të pasur këtë super formë Flamurtari, në ndihmë i ka ndalur edhe sulmuesi 26 vjeçar, Alban Shillova.

Shillova në këtë sezon ka rigjetur formën e tij më të mirë, duke shënuar pesë gola në katër ndeshje.

Në takimin e fundit ndaj Lirisë, ai shënoi dopiet.

Sulmuesi i kuqezinjëve në një intervistë për Arbresh.Info ka folur për synimet e tij, të klubit si dhe problemet financiare që ka pasur klubi.

Flamurtari po krahasohet me klubin anglez, Ëatford, të cilët janë në të njëjtën ecuri në Premierligë, duke fituar katër ndeshjet e para të sezonit për herë të parë në histori të klubit.

Alban këtë sezon keni rigjetur formën më të mirë, cila është formula?

Po e vërtetë që jam në formë të mirë dhe po e ndihmojë skuadrën. Formula është vetëm puna që e bëjmë së bashku me bashkëlojtarët dhe stafin.

-Si iu bindi trajneri Thaqi, për t’u transferuar në Flamurtar?

Kam vazhduar me Flamurtari, edhe pse kam pasur shumë oferta nga klubet tjera, por e kam pa një organizim të mirë të klubit dhe vendosa të vazhdojë qëndrimin në klub.

-Deri më tani keni shënuar 5 gola, sa mendoni se do t’i shënoni?

Shpresoj që të shënojë sa ma shumë dhe në çdo lojë të gjejë rrjetën e portierit kundërshtarë. Jam në top formë për momentin, nidhem mirë fizikisht, shpresojë të vazhdojë kështu me këtë formë.

-4 ndeshje, 4 fitore, cilat jane synimet e Flamurtarit për këtë sezon?

Synimet e Flamurtarit janë vetëm me qenë një ekip stabil dhe i vështirë për t’u mposhtur nga të gjithë.

Klubi i ka tejkaluar problemet, gjithashtu edhe ne kemi vazhduar me punë, besoj që kjo është shpërblyer me rezultate në fushë.

-A i ka kryer të gjitha obligimet klubi ndaj jush?

Klubi i ka kryer të gjitha obligimet financiare.

-A do te jesh ti ‘Jamie Vardy’ i Flamurtarit ne rrugen per titull kampionit?

Nuk mund të them që do të jem Vardy, por do të bëjë më të mirë për Flamurtarin. Klubi nuk e ka synim titullin e kampionit. /arbresh.info/