Google ADS

Shifrat e frikshme të Lewandowskit

12:39 | 10 Shkurt 2021
Arbresh.info

“Mosha është vetëm numër”, kështu thoshte gjithmonë Cristiano Ronaldo dhe deri më tani po del të jetë ashtu, pasi portugezi regjistron statistika fantastike edhe në moshën 36-vjeçare.

Rrugës së CR7 po shkon sulmuesi i Bayern Munich, Robert Lewandowski.

Ai sezonin e kaluar pati edicionin më të mirë në karrierë me 55 gola në 47 paraqitje dhe fitoi pothuajse gjithçka.

Këtë edicion, edhe pse 32-vjeçar, Lewa po shijon një tjetër sezon ëndrrash.

Pas 27 ndeshjeve në të gjitha garat, ai deri më tani ka shënuar 29 gola – prej tyre 24 në Bundesliga, çka e bën atë golashënuesin më të mirë në Evropë dhe kandidatë kryesor për Këpucën e Artë.

Nëse Lewa vazhdon me këtë formë dhe triumfon me Bayernin në fund të sezonit, padyshim që edhe këtë edicion do të jetë kandidatë numër një për Topin e Artë.

Ai do ta kishte fituar këtë çmim vitin e kaluar, nëse France Football nuk do të kishte anuluar gjithçka shkaku i COVID-19, me pretekstin se s’mund të gjykohen drejtë futbollistët.

Shpërndaje në rrjete sociale

Lajmet më të lexuara

Të ngjashme

Foto lajm