“Sheikët” e Newcastle, diskutojnë mundesinë për ta emëruar Zinedinë Zidane si trajner i klubit

15:29 | 10 Tetor 2021
KRG

Ish-trajneri i Real Madridit, Zinedine Zidane po diskutohet brenda drejtuesve të klubit anglez, Newcastle United.

Pronarët e rinj të Newcastle pritet që së shpejti t’i tregojnë derën menaxherit Steve Bruce, kjo pavarësisht se nuk ka ende zëvendësim për të.

Në vend të tij, ndihmës-trajneri Graeme Jones do të marrë përgjegjësinë ndërsa bordi i ri gjen një menaxher afatgjatë.

Gjatë ditëve të fundit janë përfolur emra të ndryshëm si Antonio Conte dhe Eddie Howe.

Megjithatë, tani mediat angleze kanë filluar të zbulojnë emra tjera dhe shumë të njohur.

Sipas mediumit The Mirror, emri i francezit Zidane është ngritur si hipotezë në mesin e hierarkisë së klubit, për të udhëhequr ekipin.

Francezi aktualisht është një trajner i lirë, pasi u largua nga Real Madrid në fund të sezonit të kaluar.

Shpërndaje në rrjete sociale

Lajmet më të lexuara

Të ngjashme

Foto lajm