Shaqiri kujton sulmuesin e ndjerë argjentinas: Jam thellësisht i pikëlluar për vdekjen e Salas

14:13 | 8 Shkurt 2019
Arbresh.info

Ylli shqiptar, Xherdan Shaqiri është i fundit që ka kujtuar sulmuesin e ndjerë argjentinas, Emiliano Sala.

Gjatë mbrëmjes së mërkurë është konfirmuar se trupi i gjetur nën rrënojat e aeroplanit i përket sulmuesit argjentinas.

Ky konfirmim i vdekjes së tij ka pikëlluar të gjithë botën e futbollit, të cilët kanë shfrytëzuar mediat sociale për të shprehur ngushëllim në drejtim të familjarëve dhe shokëve të tij.

I fundit që ka bërë një gjë të tillë është sulmuesi shqiptar i Liverpoolit, Xherdan Shaqiri.

“Jam thellësisht i pikëlluar për vdekjen e Emiliano Sala”.

“Familja ime dhe unë dëshirojmë t’i shprehim ngushëllimet tona më të sinqerta familjes dhe miqve të tij”.

“Mendimet tona janë gjithashtu me familjen e pilotit David ibbotson”, ka shkruar Shaqiri në profilin e tij në Instagram.

Ndryshe, Sala ishte i zhdukur nga data 21 janar pasi aeroplani me të cilin po udhëtonte nga Nantes në Cardiff u zhduk nga radarët në vendin e njohur si Kanali Anglez.

Shpërndaje në rrjete sociale

Lajmet më të lexuara

Të ngjashme

Foto lajm