Google ADS

Sevilla e rrezikshme, Man Utd reziston në Pizjuan

22:43 | 21 Shkurt 2018
Arbresh Info

Sevilla dhe Manchester United janë ndarë baras në ndeshjen e parë të zhvilluar në kundër të xhiros së 1/16-së në UEFA Ligë të Kampioneve.

Takimi i zhvilluar në Ramon Sanchez Pizjuan mbrëmjen e sotme (e mërkurë) ndërmjet dy gjiganteve përfundoi pa gola 0 me 0 duke lënë për tu vendosur gjithçka në Old Trafford, shkruan portali arbresh.info.

Nikoqirët ishin më të rrezikshëm kundër “Djajve të Kuq” duke dominuar nga numri i shansve të krijuara, posedimi i topit, goditjet drejtë portës dhe gjuajtjeve të lira.

Skuadra e Jose Mourinhos nuk shfaqi formën që pritej, por portieri David de Gea tregoi sërish klasin e tij duke shpëtuar gjigantin anglez në një numër të madh shansesh që kishin nikoqirët gjatë gjithë ndeshjes.

Takimi kthyes ndërmjet dy skuadrave zhvillohet në Old Trafford më 13 mars./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm