Seria A hap dyert e stadiumeve me kapacitet të plotë

11:51 | 28 Mars 2022
Lorik Gerbeshi

Seria A më në fund mund të heqë dorë nga çdo kufizim në kapacitetin e stadiumit për tifozat e saj. Ngërçi i të ardhurave, në këto vite, ishte thuajse fatale për shkak të masave kufizuese të pandemisë globale COVID-19.

Sipas asaj që raporton e përditshmja sportive italiane “Corriere dello Sport”, duke marrë parasysh sezonin e vitit të kaluar 2020/21 dhe 2019/20, të luajtur tërësisht me dyer të mbyllura, humbja ishte rreth 12,2 milionë paraqitje.

Duke shtuar 30 ditët e ndeshjeve të luajtura këtë sezon me kapacitet të reduktuar rreth 3 milionë bileta të humbura, më shumë se 15 milionë spektatorë kanë munguar në stadiumet e Serisë A.

Pritet që të dielën e 3 prillit në orën 20:45, derbi i Italisë, Juventus-Inter në stadiumin “Allianz” të dhurojë spektakël jo vetëm në fushë, por edhe në tribuna.

Shpërndaje në rrjete sociale

Lajmet më të lexuara

Të ngjashme

Foto lajm