Google ADS

Sergio Ramos e dinë se kush do ta bartë fanellën me numër 7

13:51 | 21 Korrik 2018
Arbresh Info

Njëra nga fanellat më të famshme në botë, ajo me numër 7 te Real Madridi, do t’i dhurohet një ylli të ri për sezonin e ardhshëm pas largimit të Cristiano Ronaldos në Juventus.

Sensacioni portugez, i cili iu bashkua gjigantit italian së fundmi, barti fanellën me 7 te ‘Los Blancos’ dhe e bëri atë njërën nga më të famshmet në historinë e sportit, transmeton portali arbresh.info.

Por, tani ajo do t’i dhurohet një tjetër ylli dhe Sergio Ramos e di pikërisht se kush do ta bartë atë.

‘Diario Gol’ raporton që spanjolli ka zbuluar se klubi ka ndërmend t’i dhurojë fanellën e famshme Marco Asensios, një lojtar që pritet nga të gjithë të bëhet një emër i madh te ‘Los Blancos’.

Asensio doli për herë të parë në skenë në sezonin 2016/17, megjithatë shkëlqimin më të madh e arriti në Superkupë të Spanjës kundër Barcelonës.

Asensio kishte shënuar dy gola sensacionale gjatë pjesës së dytë kundër “Blaugranëve”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm