Google ADS

Sergio Aguero flet për herë të parë pas aksidentit të tmerrshëm

15:37 | 29 Shtator 2017
Arbresh Info

Sergio Aguero është ende në spital por ka folur për herë të parë për media pas përplasjes së tmerrshme të veturës që e la me një brinjë të thyer.

Sulmuesi 29-vjeçar i Manchester Cityt ishte i përfshirë në një aksident në Amsterdam dhe pritet të jetë jashtë fushës rreth dy muaj, transmeton portali arbresh.info.

“Shoferi i taksit nuk e pa kthesën dhe rrëshqiti. Në momentin kur rrëshqiti, ne goditëm shtyllën”, tha ylli argjentinas.

“Kam thyer një brinjë, tani jam duke pushuar. Më dhemb shumë. Do të jem jashtë detyrës për një kohë të shkurtër”

Ndërkohë, trajneri Pep Guardiola ka thënë se mungesa e tij ndaj Chelseat nuk do të jetë një problem duke vendosur të gjithë fokusin në shëndetin e futbollistit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm