Sancho ‘tradhton’ United-in, iu thotë miqve se është i hapur për rikthimin te City

17:40 | 15 Qershor 2020
Arbresh Info

Ylli i Borussia Dortmund, Jadon Sancho është duke konsideruar mundësinë për rikthimin te Manchester City.

Anglezi që disa muaj është i lidhur me transferimin te rivalët e City-t, Manchester United, por kartoni i lojtarit është duke shkaktuar probleme, transmeton portali arbresh.info.

Thuhet se “Djajtë e Kuq” nuk do shpenzojnë aq shumë shkaku i financave gjatë pandemisë së koronavirusit.

Sipas The Sun, Sancho iu ka thënë miqve se është i hapur për rikthimin te City nëse skuadra e Pep Guardiola-s tregon interesim.

Ky mund të jetë lajm i mirë për “Qytetarët” shkaku se në verë më shumë mundësi do e humbin Leroy Sane dhe Sancho mund të jetë pasuesi.

Sancho u largua nga “Etihad” para tri viteve shkaku që dëshironte të luante më shumë./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm