Saliba kryen të martën testet mjekësore te Arsenali

23:55 | 18 Korrik 2019
Arbresh Info

Arsenali raportohet të ketë arritur një marrëveshje për nënshkrimin me mbrojtësin William Saliba.

Gjiganti londinez thuhet se ka rënë dakord me skuadrën franceze Se Etienne rreth marrëveshjes për të nënshkruar me mbrojtësin e talentuar William Saliba, transmeton portali arbresh.info.

Siç raporton RMC Sport, marrëveshja është kryer falë dëshirës së lojtarit për t’iu bashkuar “Topçinjve” dhe se zyrtarët në stadiumin Geoffroy Guichard janë “detyruar” të pranojnë një marrëveshje më të vogël seç kishin dashur.

Qendërmbrojtësi do të nënshkruaj kontratë pesë vjeçare me skuadrën nën udhëheqjen e Unai Emery duke u bërë përforcimi i dytë i tyre për këtë verë.

Ai do të krye testet mjekësore të martën e javës tjetër.

Por, Saliba do të kthehet në Francë në formë huazimi edhe për një sezon në mënyrë për të vazhduar zhvillimin./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm