Sadio Mane i përgjigjet spekulime për transferim në Real Madrid

22:09 | 13 Qershor 2018
Arbresh Info

Anësori i Liverpoolit, Sadio Mane ka hedhur poshtë thashethemet rreth të ardhmes së tij duke insistuar se është i kënaqur në Anfield.

Reprezentuesi i Senegalit iu bashkua “Redsave” nga Southamptoni në verën e vitit 2016 dhe që nga atëherë ka realizuar 33 herë brenda 73 paraqitjeve për klubin, transmeton portali arbresh.info.

Si rezultat i paraqitjeve të tij, ai ka tërhequr vëmendjen e Real Madridit gjatë javëve të fundit, por 26-vjeçari ka theksuar se aktualisht është i lumtur në Liverpool.

“Jam shumë i lumtur në Liverpool dhe kontrata ime do të zgjas edhe tri vite. Ashtu siç e kam thënë edhe më parë, jam i lumtur në Liverpool, por ju asnjëherë nuk e dini se çfarë do të ndodhë në të ardhmen”, ka thënë Mane.

Sadio Mane është aktualisht me skuadrën senegaleze në Rusi për Kampionatin Botëror./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm