Google ADS

Rrahmani mungon ndaj Torinos

17:24 | 6 Mars 2024
D.H

Amir Rrahmani nuk do të mundë ta ndihmojë Napolin në këtë fundjavë.

Qendërmbrojtësi kosovar u lëndua në ndeshje me Juventusin, të cilën napolitanët e fituan me rezultat 2:1.

Mediumi italian “La Gazzetta dello Sport” raporton se 30 vjeçari do të mungojë këtë të premte mbrëma kundër Torinos.

Ish-futbollisti i Dinamo Zagrebit, Lokomotivës së Zagrebit dhe Veronës pësoi tërheqje muskulore të dielën që shkoi dhe trajneri Calzona s’do të mundë të llogarisë në shërbimet e futbollistit në duel me ekipin “Granata”.

\ Ndërkohë, napolitanët po mundohen ta rikuperojnë futbollistin për ndeshjen e kthimit të së tetës së finales së Ligës së Kampionëve ndaj Barcelonës, e cila do të luhet të martën që vjen.

Edhe pse luajti për 65 minuta, Rrahmani ishte fenomenal ndaj Juventusit dhe u përfshi në formacionin e javës.

Përfaqësuesi kosovar u rikthye pak kohë më parë nga lëndimi, ndërsa forma e tij kishte rënie të lehtë, përpos ndeshjes me Juventusin, ku ishte protagonist. /Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm