Rrahmani lë pas lëndimin, i gatshëm për Champions League

11:25 | 19 Shtator 2023
Orgesa Haziri

Amir Rrahmani ka qenë duke u përballur me një lëndim, që e pa atë të humbiste ndeshjen e fundit të Napolit në Serie A.

Por, duket se kapiteni i Kosovës e ka lënë pas lëndimin dhe është rikthyer në kohë për ndeshjet e Champions League, shkruan Arbresh.info.

Corriere dello Sport ka raportuar se Rrahmani e ka kapërcyer me sukses tendosjen e muskujve që e mbajti jashtë ndeshjes ndaj Genoas të shtunën në Marassi.

Sot gjendja e tij do të vlerësohet sërish në fushë për t’u siguruar që të jetë 100%.

Nëse gjithçka shkon mirë dhe nuk ka shqetësime për gjendjen e tij fizike, mbrojtësi kosovar do të rikthehet dhe do të nisë ndeshjen e Ligës së Kampionëve të planifikuar për nesër kundër Sporting Bragës./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm